مقالات

خبر يخص شخص واحد .. لكن للأسف بيمس منظومة التعليم كلها

خبر يخص شخص واحد .. لكن للأسف بيمس منظومة التعليم كلها
فهيم سيداروس
جامعة دمنهور..
المفاجأة مش المفاجأة من قبض الرقابة الإدارية علي رئيس جامعة دمنهور ..
انا اسف جدًا .. المفاجأة أن صورة الموقع الرسمي لجامعة دمنهور المتصدرة بقالها شهور من بعد التجديد لرئيس الجامعة هي صورة بتقول ان فيه ناس بتدعى حبها لبلدها ورئيسها وهى للأسف غير أمينة
على شيء .
صورة بتقول ان مش كل اللي بيعلن انه بيحب نضيف للأسف ، وان فيها اجهزة للبلد صاحية جدًا ومبيفرقش معاها الشويتين دول ابدًا
جامعة دمنهور اللي طلت علينا بالعسل اللي بيشفي من كورونا وشوية كمامات وذبح معزتين في الحرم الجامعي كخدمة مجتمعية ..
جامعة دمنهور اللي رئيس جامعتها هو أقدم رئيس جامعة حكومية في المجلس الحالي، ويحق له أن يحل محل الوزير في جلسات المجلس بحكم أنه الأقدم حال اعتذاره او غيابه.
جامعة دمنهور اللي رئيسها بينظم احتفاليات كل شوية بعنوان ” في حب مصر“ للحديث عن دور “الشباب في بناء الوطن”.
خبر ضبط رئيس جامعه دمنهور واخرين تقاضوا 4 علي سبيل الرشوه بلغت اربعه ملايين جنيه مقابل تسهيل و استلام توريدات لصالح الجامعه ..
مش خبر يخص شخص واحد .. لكن للأسف بيمس منظومة التعليم كلها وبيسيء لرؤساء جامعات شرفاء ولوزير التعليم العالي .
وبيخلينا نعيد النظر تاني وتالت في اختياراتنا للقيادات الجامعية ..
ربنا يستر من اللي جاي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
Open chat